एनपीजीए गल्फ टुर: सुवास पुनः शीर्ष स्थानमा

काठमाडौँ – सुवास तामाङले सुर्य नेपाल एनपीजीए गल्फ टुर च्याम्पियनशीपको तेस्रो चरणपछि भुवन नगरकोटीमाथि दुई स्ट्रोकको अग्रता बनाएका छन् । सुवासले बुधबार ३ अन्डर ६९ कार्ड बनाए । उनले समग्रमा १५ अन्डर २०१ कार्ड बनाए ।

यता भुवनले भने तेस्रो दिन १ अन्डर ७१ कार्ड बनाउदै समग्रमा १३ अन्डर २०३ कार्ड बनाए । शुक्र बहादुर राई ८ अन्डर २०८ कार्डसहित तेस्रो स्थानमा रहेका छन् । उनले बुधबार १ अन्डर ७१ कार्ड बनाए । 

---

रवी खड्का ६ अन्डर २१० कार्डसहित चौंथो तथा अमेच्योर सदभाव आचार्य ४ अन्डर २१२ कार्डसहित पाँचौं स्थानमा रहेका छन् ।