सिटीले गर्‍याे सर्जियो अगुइरोको प्रतिमा अनावरण

काठमाडौँ -  इंग्लीस फुटबल क्लब म्यानचेस्टर सिटीले इतिहाद स्टेडियम अगाडी बनाइएको सर्जियो अगुइरोको प्रतिमा अनावरण गरेको छ । १० वर्ष अगाडी क्यूपीआरविरुद्ध गोल गर्दै अगुइरोले सिटीलाई ४४ वर्षपछि इंग्लीस प्रिमियर लिगको उपाधि दिलाएका थिए ।

त्यसैको १० औँ वार्षिक उत्सवका क्रममा अगुइरोको प्रतिमा सार्वजनिक गरिएको हो । लिगको अन्तिम खेलमा अगुइरोको गोलको मद्तमा सिटीले क्यूपीआरलाई ३-२ ले पराजित गर्दै ऐतिहासिक उपाधि जितेको थियो ।

---

यस अघि गत वर्ष सिटीले डेभिड सिल्भा र भिनसेन्ट कोम्पनीको प्रतिमा स्थापना गरेको थियो । अगुइरोको प्रतिमा एन्डी स्कटले बनाएका हुन् ।