आजदेखि जजिरा एयरवेजले भैरहवाबाट कुवेत उडान भर्ने

काठमाडौँ- जजिरा एयरवेजले गौतम बुद्ध अन्तर्राष्ट्रिय विमानस्थलबाट आजदेखि आफ्नो उडानहरू पुनः सुरु गर्ने भएको छ ।​भैरहवास्थित विमानस्थबाट जजिराले बाक्लो हुस्सु लाग्न थालेपछि गत ६ पुसदेखि सेवा स्थगित गरेको थियो। केही दिन यताको मौसम सफा हुन थालेपछि एयरलाइन्सले पुनः उडान सुरु गर्न लागेको हो ।

भैरहवाबाट साप्ताहिक रुपमा ३ वटा उडान हुने कम्पनीले जनाएको हो। जजिराले भैरहवाबाट कुबेतका लागि मंगलबार, बिहीबार र शनिबार नेपाली समय अनुसार बिहान ८ः०५ बजे उडान भर्नेछ।  

---

जजिराले भैरहवादेखि कुवेतसम्म २८ हजार ८ सय ३६  एकतर्फी उडानको भाडादर  कायम गरेको नेपालस्थित जजीरा एयरवेजका जनरल सेल्स एजेन्ट तथा सोसाइटी इन्टरनेशनल ट्राभल सर्भिसेसका अध्यक्ष रवीचन्द्र सिंहले जानकारी दिए।