‘हाम्रो ठमेल सफा ठमेल’ भन्ने नारासहित शनिबार ठमेलमा सफाइ हुने

काठमाडौँ- ठमेल पर्यटन परिषदले ‘हाम्रो ठमेल सफा ठमेल’ भन्ने नारा लिएर शनिबार ठमेल क्षेत्र सफाइ गर्ने भएको छ । पर्यटकीय क्षेत्र भएकाले भोलि ३० गते ७ देखि ८ बजेसम्म सफाइ कार्यक्रम रहेकाले परिषदले घरधनी र व्यवसायीलाई उपस्थितिको लागि अनुरोध गरेको छ ।

ठमेल क्षेत्रलाई सुन्दर, सफा र फोहोररहित बनाउने उद्देश्यसहित सफा गर्न लागिएको परिषदका अध्यक्ष भवीश्वर शर्माले बताए । उनका अनुसार सफाइ गर्न आउने घरधनी वा व्यवसायीसँग भएका कुचो, झाडु वा सफाइ सामग्री ल्याउनु पर्नेछ । आफ्नो घर र पसल अगाडि सरिक भएर सफाइ गर्नुपर्नेछ ।

---

‘सफाइ कार्यक्रमपश्चात ८ बजे सञ्चय कोष भवन अगाडि भेला हुनुपर्ने कार्यक्रम छ,’ उनले भने,’ सफाइ अभियानको समिक्षा गरिने भएकाले सबैलाई उपस्थिति हुनलाई अनुरोध गर्दछु ।‘