राष्ट्रिय ध्वजावाहक विमानले सुरु गर्‍याे भैरहवा- मलेसिया उडान

बुटवल । एकवर्ष पहिले काठमाण्डौबाट गौतमबुद्ध अन्तर्राष्टिय विमानस्थलमा परीक्षण उडान गरेको नेपाल वायुसेवा निगमको जहाजले आजबाट मलेसिया- भैरहवा उडान गरेकाे छ । 

राष्ट्रिय ध्वजावाहक वायुसेवा निगमले सन्चालन गर्ने मलेसिया भैरहवा काठमाडौं व्यवसायिक उडानकाे अन्तरगत मलेसियाकाे क्वालालम्पुरबाट आएकाे ९ एन ए केएक्स विमानलाई  पर्यटन संस्कृति तथा नागरिक उड्डयनमन्त्री सुदन किरातीले आज बिहान भैरहवामा स्वागत गरे । 

---

मलेसियाको राजधानी क्वालालम्पुरबाट भैरहवा आएकाे निगमको १ सय ५८ सिट क्षमताको न्यरोबडी  बिमान अवतरण गरेको थियाे । मलेसियाका पर्यटन व्यवसायीहरु सहित आएकाे बिमानलाई पर्यटन संस्कृति तथा नागरिक उड्डयनमन्त्री किराँती तथा  नागरिक उड्डयन प्राधिकरणका पदाधिकारी एवं यश क्षेत्रका पर्यटन व्यवसायीहरुले स्वागत गरेका थिए ।

निगमले गरेको पहिलो भैरहवा उडानमा निम्त्याइएका मलेसियाका पर्यटन व्यवसायीहरु भने भैरहवामा अवतरण भएपछि लुम्बिनी भ्रमण गरी काठमाडौं हुँदै मलेसिया फर्किने छन् ।

निगमले जेठ पहिलो साता मलेसिया भैरहवा उडानको घोषणा गर्दै सुरुमा मलेसिया भैरहवाका लागि प्रवद्र्धनात्मक हवाई भाडा ११ हजार रुपैया घोषणा गरेको थियो। भने अहिले मलेसिया भैरहवा ३१ हजार र मलेसिया काठमाडौं ५६ हजार रुपैयां दरमा एकतर्फी टिकट बिक्री गरिरहेको निगमले जनाएको छ ।

निगमका अनुसार  मलेसियाबाट भैरहवाको उडान समय ४ घण्टा ४५ मिनेट हाराहारी रहनेछ ।
कम्तीमा १० अर्ब रुपैया लगानीमा बनेको मुलुककै दोस्रो अन्तर्राष्ट्रिय विमानस्थल०७९ जेठमा तत्कालीन प्रधानमन्त्री शेरबहादुर देउवाले उद्घाटन गरेका थिए ।