होटल गुञ्जले अंग्रेजी नयाँ वर्षमा सांगीतिक कार्यक्रम गर्ने

बर्दिबास- होटल गुञ्जले अंग्रेजी नयाँ वर्षको अवसर पारेर सांगीतिक  कार्यक्रम आयोजना गर्ने भएको छ  । महोत्तरीमा उत्कृष्ट आतिथ्य र आनन्ददायी वातावरणको लागि प्रख्यात तथा रमाईलो वातावरण स्वादिलो परिकारहरूको साथ चर्चित कलाकारहरुको प्रस्तुति रहने यस नयाँ वर्ष विशेष कार्यक्रम २०२४ डिसेम्बर ३१ मंगलबारदेखि २०२५ जनवरी १ बुधबारसम्म २ दिनको लागि हुने होटल गुञ्जले जानकारी दिएको छ ।

 गुञ्जकोअनुसार न्यु ईयर ईभ र न्यु ईयरको दिनमा “समुन्द्र ब्यान्ड” र “द हाईम्स ब्याण्ड” को संयुक्त लाईभ म्युजिकको प्रस्तुती रहने छ । साथै डिजेहरुको प्रस्तुती, बार्बेक्यु नाईट र बिभिन्न आतसबाजी लगायतको कार्यक्रम पनि रहेको छ ।

---

 होटल गुन्जका म्यानेजर सुशांत कार्कीले भने , “हाम्रा अतिथीहरुको यो नयाँँ वर्ष वास्तवमै अविस्मरणीय रहोस् भन्नको लागि हामीले विविध प्रतिभाशाली व्यक्तित्वहरुको साथ मनोरञ्जनात्मक कार्यक्रम आयोजना गरेका छौँ । हामीलाई विश्वास छ कि संगीत, स्ट्यान्ड–अप कमेडी र अन्य थुप्रै मनोरञ्जनात्मक गतिविधीहरुको साथ हाम्रा अतिथीहरुले नयाँ वर्ष साँच्चिकै नै रमाइलो हुनेछ । त्यसैले आफ्नो परिवार र साथीभाईहरुसँग नयाँ वर्ष विशेष बनाउनको लागि अहिले नै सिट बुक गर्न सक्नुहुनेछ ।”

यस नयाँ वर्ष उत्सवमा सामेल हुन चाहनेहरूको लागि प्रवेश निःशुल्क रहेको छ ।