राष्ट्रसंघको मानवअधिकार प्रमुखले चीनको भ्रमण गर्ने

काठमाडौँ- संयुक्त राष्ट्रसंघका मानवअधिकार प्रमुख मिचेल बाचेलेट चीन भ्रमण गर्ने भएका छन् । उनी मे महिनाको २३ देखि २८ तारिखसम्म चीनको भ्रमण गर्ने ‍ अधिकारीहरूले जानकारी दिएका छन् ।

चीनको उत्तर पश्चिमी क्षेत्रमा मानव अधिकार हनन भएको प्रतिवेदनका आधारमा उनले स्थलगत भ्रमण गर्न लागेका जनाइएको छ ।  संयुक्त राष्ट्रसंघको मानवअधिकार सम्बन्धी उच्च आयुक्त चीन आउन लागेको चिनियाँ विदेश मन्त्रालयका प्रवक्ता वाङ वेन्बीनले पनि पुष्टि गरेका छन्।  

---

उनले चीन सरकारको निमन्त्रणामा नै उच्च आयुक्त बाचेलेट चीन आउन लागेको समेत शुक्रबार जानकारी दिएका छन् । पीडितहरुलाई न्याय दिलाउन, जिम्मेबार बनाउन र घटनाका बारेमा सत्य तथ्य यकिन गर्न उनको भ्रमणले सहयोग गर्ने पनि अपेक्षा गरिएको छ ।