अफगानिस्तानमा ९ किलो हेरोइनसहित दुई जना पक्राउ

एजेन्सी – अफगानिस्तानको पश्चिमी हेरात प्रान्तमा प्रहरीले ९ किलोग्राम हेरोइन फेला पारेको छ ।  सो लागुऔषधको कारोबारमा  संलग्न दुई जना व्यक्तिलाई पक्राउ गरेको सरकारी बख्तर समाचार एजेन्सीले आइतबार उल्लेख  गरेको छ।

पश्चिमाञ्चल क्षेत्रमा केही दिनयता लागुऔषध कारोबारीविरुद्धको यो दोस्रो कारवाही हो । शुक्रबार प्रहरीले निमरोज प्रान्तमा एक व्यक्तिलाई पक्राउ गरी ४० किलो अफिम बरामद गरेको सिन्ह्वाले जनाएको छ।

---

तालिबानद्वारा सञ्चालित कार्यवाहक प्रशासनले युद्धग्रस्त देशलाई खतराबाट मुक्त नभएसम्म अवैध लागुऔषधविरुद्ध लड्ने  प्रतिबद्धता व्यक्त गरेको छ।