भाषण गर्दागर्दै गोली प्रहार भएको थियो आबेमाथि, कस्तो छ अवस्था ?

जापान- जापानका पूर्वप्रधानमन्त्री शिन्जो आबे नारा सहरमा आयोजित एक कार्यक्रममा गोली लागेर बेहोस भएका छन् ।

'आबेलाई पछाडिबाट गोली लागेको थियो र उनको भाषणको क्रममा आधा बाटोमा ढले र रगत बगेको देखिन्थ्यो' प्रसारक एनएचकेले रिपोर्ट गरेको छ । उनको आक्रमणकारी हिरासतमा छ ।

---

टोकियोका पूर्व गभर्नर योइची मासुजोएले एक ट्वीटमा आबे 'कार्डियोपल्मोनरी अरेस्ट'को अवस्थामा रहेको रोयटर्सले जनाएको छ ।

जापानमा मृत्युको आधिकारिक पुष्टि हुनु अघि यो शब्द प्रायः प्रयोग गरिन्छ ।

जापानको सबैभन्दा लामो समयसम्म प्रधानमन्त्री रहेका आबेले स्वास्थ्यको कारण देखाउँदै २०२० मा राजीनामा दिएका थिए। उनले पछि खुलासा गरे कि उनी अल्सरेटिभ कोलाइटिस, एक आन्द्राको रोगबाट ग्रस्त थिए ।

बन्दुकमाथि प्रतिबन्ध लगाइएको जापानमा बन्दुक हिंसाका घटनाहरू विरलै हुन्छन् ।