युक्रेनका ५ हजार बालबालिकालाई रुस लगियो

काठमाडौँ – युक्रेनी अधिकारीको सहभागिताविना रुसले युक्रेनका ५ हजार भन्दा बढी बालबालिकासहित ३० हजार मानिसलाई उद्धार गरेर रुस लगेको छ ।

रुसी राष्ट्रिय सुरक्षा नियन्त्रण केन्द्रका प्रमुखलाई उदृत गर्दै अलजजिराले जनाए अनुसार २४ घण्टाभित्रै युक्रेनका २८ हजार ४ सय २४ जनालाई रुस लगिएको हो । त्यसमध्ये ५ हजार १ सय ४८ जना बालबालिका रहेका सुरक्षा केन्द्रका प्रमुख मिखाइल मिजिनसेभले जानकारी दिएका हुन् ।

---

उनीहरुलाई संवेदनशील डोनबास क्षेत्रबाट रुस लगिएको हो । रुसले हालसम्म ४ लाख १२ हजार ५ सय ५३ बालबालिकासहित २६ लाख १२ हजार ७ सय ४७ युक्रेनी नागरिकलाई रुस लगिएको मिखाइलले जानकारी गराए ।