आदानप्रदान र सञ्चारलाई बढावा दिन विदेशी भाषाका चिनियाँ सञ्चारविद्हरूलाई सीको आग्रह

बेइजिङ- चीनका राष्ट्रपति सी चिनफिङले चिनियाँ संस्कृतिप्रतिको प्रेमभावलाई चीन र विश्वका अन्य देशहरूबीच आदानप्रदान र सञ्चारलाई बढावा दिन विदेशी भाषामा प्रकाशित हुने चिनियाँ सञ्चारमाध्यमलाई सीले आग्रह गरेका छन् । 
मानवताको साझा भविष्यसहितको समुदाय निर्माण गर्न थप योगदान गर्न विदेशी भाषाका सञ्चारविद्हरूलाई प्रोत्साहित गर्न उनले आग्रह गरेका हुन् । 

चिनियाँ कम्युनिष्ट पार्टी (सीपीसी) केन्द्रीय समितिका महासचिव तथा केन्द्रीय सैन्य आयोगका अध्यक्षसमेत रहेका सीले ती विदेशी विज्ञलाई जवाफ दिँदै उक्त टिप्पणी गरेका हुन् ।  

---

सीले विदेशी भाषा प्रकाशन गृहको ७०औँ स्थापना दिवसका अवसरमा सम्पूर्ण सदस्यलाई शुभकामना व्यक्त गरेका छन् । विभिन्न देश र सांस्कृतिक पृष्ठभूमिबाट आएका विज्ञहरूले चीन र चिनियाँ संस्कृतिप्रतिको प्रेमलाई आदानप्रदान गरी चीनलाई फरक तरिकाले विश्वसामु चिनाएको भन्दै यस कार्यका लागि चीन कृतज्ञ रहेको शुभकामना पत्रमा उनले बताए ।

विदेशी पाठकलाई सेवा पुर्‍याउने देशको अनुवाद र प्रकाशनकार्यमा महत्वपूर्ण योगदान पुर्‍याएकोमा चीन सबैप्रति आधारी रहेको उनले बताए । 

सही र अर्थपूर्ण अनुवादले विश्वलाई नयाँ युगमा चीनलाई अझ राम्रोसँग बुझ्न र चिनियाँ र विदेशी सभ्यताबीच आदानप्रदान र पारस्परिक शिक्षालाई बढावा दिन आफूले महत्वपूर्ण भूमिका खेल्ने उनले बताए । 

उनले विदेशी विज्ञहरूलाई चीनका कथाहरूलाई उत्कृष्ट अनुवादका साथ सुनाउन आफ्नो शक्तिलाई एकत्रित गर्न आग्रह गरे ।

सन् १९५२ मा स्थापना भएको विदेशी भाषा प्रकाशन गृह सन् १९४९ मा जनवादी गणतन्त्र चीनको स्थापनापछि विदेशी भाषामा प्रकाशन गर्ने पहिलो संस्था थियो । यसले ४० भन्दा बढी भाषाहरूमा ३० हजार भन्दा बढी प्रकाशनहरूको अनुवाद र प्रकाशन गरेको छ, जसको विश्वव्यापी वितरण ४० करोड भन्दा बढी प्रतिहरू छन् ।

प्रकाशन गृहका पाँच जना विदेशी भाषा विज्ञले हालै सीलाई पत्र लेख्दै ‘सी जिनपिङः द गभर्नेन्स अफ चाइना’ जस्ता पुस्तकको अनुवाद र प्रकाशनमा आफ्नो अनुभवबारे जानकारी दिँदै अन्तर्राष्ट्रिय पाठकलाई चीन बुझ्न मद्दत गर्ने काममा संलग्न हुन पाएकोमा गर्व व्यक्त गरेका छन् । (सिन्ह्वा)