उइघुरहरूमाथि चीनले गरेको व्यवहार मानवताविरुद्धको अपराध : राष्ट्र संघ

काठमाडौं– संयुक्त राष्ट्र संघका मानवअधिकार आयुक्तले उइघुरहरूमाथि चीनले गरेको व्यवहार मानवताविरुद्धको अपराध हुनसक्ने बताएकी छन् । संयुक्त राष्ट्र मानव अधिकारका आयुक्त मिशेल बाचेलेटले सिन्जियाङ प्रान्तमा चीनले उइगर  मुस्लिमहरूविरुद्ध गम्भीर मानवअधिकार उल्लङ्घन गरेको बताएकी छन् । 

उक्त कार्य मानवताविरुद्धको अपराध हुन सक्ने बताइएको छ । बाचेलेटको कार्यकाल सकिन् ११ मिनेट मात्रै बाँकी रहँदा उनको प्रतिवेदन प्रकाशित गरिएको थियो ।  

---

४५ पृष्ठ लामो प्रतिवेदनले बेइजिङलाई तुरुन्तै आफ्नो स्वतन्त्रताबाट वञ्चित भएका सबै व्यक्तिहरूलाई रिहा गर्न भनेको छ । 

हराएका व्यक्तिहरूको ठेगाना स्पष्ट पार्न र घरेलु सुरक्षासम्बन्धी कानुनहरूको पूर्ण समीक्षा गर्न उक्त प्रतिवेदनमा आग्रह गर्दै विभेदकारी कानूनहरू खारेज गर्न पनि भनिएको छ ।