जोनसनले गरे लिज ट्रसलाई पूर्ण समर्थन गर्ने वाचा

लन्डन - बेलायतका निवर्तमान प्रधानमन्त्री बोरिस जोनसनले मंगलबार आफ्नो उत्तराधिकारी लिज ट्रसलाई समर्थनको वाचा गरेका छन् । उनले बेलायती प्रधानमन्त्रीको रुपमा डाउनिङ स्ट्रिट छोडेर राजीनामा दिएका छन् । 

जोनसनको कार्यकाल ब्रेक्सिट र कोभिडको प्रभुत्व रहेको थियो । रानी एलिजाबेथ द्वितीयाको भेटवार्ता गर्न जाँदै गरेका जोनसनलाई उनका समर्थकहरुले जयजयकार र ताली बजाएर बिदाई गरेका थिए ।

---

उनले ‘म लिज ट्रस र नयाँ सरकारलाई हरेक पाइलामा समर्थन गर्नेछु’  भन्ने प्रतिज्ञा गरेका छन् । उनले आफ्नो सत्तारुढ कन्जरभेटिभ पार्टीलाई उर्जा संकट समाधान गर्नका लागि आफ्नो मतभेदलाई पन्छाउन आग्रह गरेका छन् । उर्जा संकट ट्रसको निकट भविष्यमा हावी हुने देखिन्छ ।

`यदि डिलिन (उनको कुकुर) र ल्यारी (डाउनिङ स्ट्रिट बिरालो) ले उनीहरूको सामयिक कठिनाइहरू पछाडि राख्न सक्छ भने कन्जरभेटिभ पार्टीले पनि सक्छ,` उनले थप कुरा बताएका छन् ।