सोलोमन द्वीपमा ७ म्याग्निच्युडको भूकम्प

एजेन्सी– मंगलबार सोलोमन द्वीपमा ७ दशमलब ० म्याग्निच्युडको भूकम्प गएको छ । भूकम्पको केन्द्रबिन्दुबाट ३०० किलोमिटर (१८५ माइल) भित्र सोलोमन तटको क्षेत्रमा सुनामीको चेतावनी जारी गरिएको छ । भूकम्पपछि मानिसहरूको भागदौड मच्चिएको थियो ।

भूकम्पपछि राजधानी सहरलगायतका विभिन्न स्थानमा विद्युत् अवरोध भएको प्राप्त विवरणहरूमा जनाइएको छ । 

---

करिब २० सेकेन्डसम्म भूकम्प महसुस गरिएको एएफपी समाचार संस्थाले जनाएको छ । भूकम्पले पुर्‍याएको क्षतिको पूर्ण विवरण सार्वजनिक हुन बाँकी छ ।