पोप बेनेडिक्टको ९५ वर्षको उमेरमा निधन

काठमाडौँ- भ्याटिकन सिटीका पूर्व पोप इमेरिटस बेनेडिक्ट १६ औँ को ९५ वर्षको उमेरमा निधन भएको छ । इमेरिटसको शनिबार निधन भएको भ्याटिकनले घोषणा गरेको अलजजिराले जनाएको छ ।

उनी लामो समयदेखि अस्वस्थ थिए । केही दिनअघि नै पोप फ्रान्सिसले उनको स्वास्थ्य लाभका लागि प्रार्थना गर्न अनुरोध गरेका थिए ।

---

इमेरिटस एक हजार वर्षमा पहिलो पटक जर्मनबाट पोप बनेको होली सी प्रेस अफिसले जनाएको छ । उनको निधन आफ्नै निवास माटेर इक्लेसिया मोनास्ट्रीमा भएको हो । उनले सन् २०१३ मा राजीनामा दिएर सो स्थानमा बस्ने निर्णय गरेका थिए ।