युक्रेनमा एकतर्फी युद्धविराम घोषणा गर्न टर्कीको पुटिनसँग आग्रह

इस्तानबुल - टर्कीका राष्ट्रपति रेसेप तैयप एर्दोगानले बिहीबार रुसी समकक्षी भ्लादिमिर पुटिनलाई युक्रेनमा ‘एकतर्फी’ युद्धविराम घोषणा आग्रह गरेका छन् । 

'राष्ट्रपति एर्दोगानले शान्ति र वार्ताका लागि गरिएको आह्वानलाई एकपक्षीय युद्धविराम र निष्पक्ष समाधानका लागि दृष्टिकोणद्वारा समर्थन गर्नुपर्ने बताउनुभएको छ,' एर्दोगानलाई उद्धृत गर्दै उनको कार्यालयले जनाएको छ । 

---

एर्दोगानले युक्रेनका राष्ट्रपति भोलोदिमिर जेलेन्स्कीसँग बिहीबार टेलीफोन वार्ता गर्ने कार्यक्रम तय गरिएको छ । टर्कीका नेताले मस्को र कीभ दुवैसँगको आफ्नो राम्रो सम्बन्धलाई युद्ध अन्त्यका लागि मध्यस्थता गर्न प्रयोग गरेका छन् ।  

टर्कीले दुई चरणको शान्ति वार्ताको मध्यस्थता गर्दै संयुक्त राष्ट्रसंघको मध्यस्थतामा ब्ल्याक सी हुँदै खाद्यान्न आपुर्तिलाई सहज बनाउने सम्झौता गर्न दुवै पक्षलाई सहयोग गरेको थियो ।

एर्दोगानले पुटिन र जेलेन्स्कीलाई शान्तिका लागि शिखर सम्मेलन गर्न टर्की ल्याउने प्रयास पनि गरेका छन् ।  

रुसका आध्यात्मिक नेता प्याट्रिआर्क किरिलले यसै साता अर्थोडक्स क्रिसमस युद्धविरामका लागि प्रस्ताव गरेपछि एर्दोगानले युद्धविरामको आह्वान गरेका हुन् ।  

एर्दोगानले रुसमाथि पश्चिमा प्रतिबन्धमा सामेल हुन अस्वीकार गरेर र युद्धको समयमा द्विपक्षीय व्यापार बढाउन अस्वीकार गरेर पुटिनसँग राम्रो सम्बन्ध कायम राख्न सफल भएका छन् ।  

दुई नेताले अब टर्कीमा एक प्राकृतिक ग्यास भण्डारण केन्द्र स्थापना गर्ने अस्थायी योजना बनाएका छन् जसले रूसलाई युरोपलाई ईन्धन आपूर्ति गर्ने वैकल्पिक तरिका प्रदान गर्न सक्दछ ।

एर्दोगानको कार्यालयले टर्कीद्वारा प्रस्तावित ग्यास भण्डारण केन्द्रको ‘पूर्वाधार निर्माण’लाई बलियो बनाएको छ र यसलाई आगामी दिनमा थप बलियो बनाउन पहल जारी राख्ने’ बताए ।  

एर्दोगानको कार्यालयले भनेको छ, 'दुवै नेताले यो परियोजना जतिसक्दो चाँडो कार्यान्वयन हुने विश्वास गरेका छन् ।' रासस