टिकटकबाट एक लाख डलर पाएपछि ८२ वर्षीय वृद्धले कामबाट अवकाश लिने

काठमाडौँ- अमेरिकाको वालमार्टमा क्यासियरको काम गर्ने ८२ वर्षीय वृद्धले अवकाश लिने भएका छन् । मेरिल्यान्ड निवासी वारेन मारिसनले सहयोग स्वरुप १ लाख ८ हजार ६ सय ८२ अमेरिकी डलरको चेक प्राप्त गरेको बीबीसीले जनाएको छ ।

टिकटक चलाउने एक व्यवसायी रोरी म्याककार्टीले गोफन्डमी अभियान चलाएर टिकटकमार्फत उक्त रकम संकलन गरेर वारेनलाई उक्त चेक हस्तान्तरण गरेका हुन् ।

---

रोरीले डिसेम्बरमा टिकटकमा राखेको भिडियो ३० लाख पटक हेरिएको थियो । उनले सो भिडियोमा वारेनलाई सहयोग गर्न चाहेको बताएका थिए ।

रोरीको टिकटक अकाउन्टमा ३ लाख फलवर्स छन् ।