राष्ट्रपति बाइडेनको घर खानतलासी, थप ६ वटा गोप्य दस्ताबेज फेला

काठमाडौँ- युएस डिपार्टमेन्ट अफ जस्टिस (डीओआई) ले अमेरिकी राष्ट्रपति जो बाइडेनको डेलावरस्थित घरमा खानतलासी गर्दा थप ६ वटा गोप्य दस्ताबेज फेला पारेको छ ।

१३ घण्टासम्म चलेको खानतलासीका क्रममा थप ६ वटा गोप्य दस्ताबेज फेला परेको बाइडेनका एक वकिललाई उदृत गर्दै बीबीसीले उल्लेख गरेको छ ।

---

त्यसैगरी, डीओआईले विलमिङ्टनमा रहेको घरबाट सिनेटर तथा पूर्व राष्ट्रपति बाराक ओबामाको कार्यकालमा उप-राष्ट्रपति हुँदा राखिएका अन्य गोप्य दस्ताबेज पनि फेला पारेको छ ।

वकिल बाइडेनका व्यक्तिगत हस्तलिखित दस्तावेज तथा अन्य दस्ताबेज पनि नियन्त्रणमा लिइएको छ । तर खानतलासीका क्रममा बाइडेन र उनकी श्रीमती भने घरमा नरहेको बीबीसीले जनाएको छ ।