टर्की भूकम्प : मृतकको संख्या ९ हजार ६ सय नाघ्यो

काठमाडौँ- टर्की र सिरियाको सिमानजिकै गएको शक्तिशाली भूकम्पमा परी मृत्यु हुनेको संख्या ९ हजार ६ सय नाघेको छ । अलजजिराले जनाए अनुसार टर्कीमै ७ हजार १ सय ८ जनाको मृत्यु भएको छ । त्यसैगरी २ हजार ५ सय ३० जनाको मृत्यु सिरियामा भएको हो ।

भूकम्पका कारण टर्कीको विभिन्न १० वटा प्रान्तहरू सबैभन्दा प्रभावित बनेको छ । उद्धार कार्यमा ९ हजार सेनासहित १२ हजार उद्धारकर्मीहरू खटेका छन् । त्यसैगरी, ७० भन्दा बढी देशले सहायता तथा उद्धार टीम पठाउने घोषणा गरिसकेको अलजजिराले जनाएको छ ।

---

गृह युद्धमा फसेको सिरियामा भने सहायता तथा उद्धार कार्यमा समस्या हुँदै आएको बताइन्छ ।