जलवायु परिवर्तन कोभिड-१९ भन्दा कडा चुनौती : रेडक्रस

काठमाडौं : जलवायु परिवर्तनले निम्त्याउने समस्यासँग जुध्‍न विश्वनै एक भएर कोरोना भाइरस माहामारीलाई जस्तै महत्व दिएर काम गर्नु पर्ने रेडक्रस सोसाइटीले म‌ंगलबार चेतावनी दिएको छ । विश्वलाई कोभिड-१९ सङ्क्रमणको महामारीलेभन्दा विश्वव्यापी तापक्रम वृध्दिले ठूलो चुनौती दिएको रेडक्रसले बताएको हो ।

'अहिले कोरोना भाइरसको महामारी भएपनि जलवायु परिवर्तनले पार्ने प्रभाव रोकिएका छैनन्,' रेडक्रस तथा रेड क्रिसेन्ट सोसाइटीको अन्तर्राष्ट्रिय महासंघद्वारा जारी नयाँ रिपोर्टमा उल्लेख छ ।

---

विश्व स्वास्थ्य संगठनले गत मार्चमा कोभिड–१९ का कारण विश्वव्यापी महामारीको घोषणा गरेको थियो । सन् १९६० पछिका विश्वव्यापी विनासका करिब एक सय घटनाहरू भएका र तिमध्ये जलवायु परिवर्तनसँग सम्बन्धित रहेका छन् । 

ती सङ्कटका कारण पाँच करोड मानिस प्रभावित बनेका छन् । आइएफआरसीका महासचिव जगन चापागाईंले ‘भर्चुअल प्रेस कन्फरेन्स’मा भने, 'पक्कै पनि, अहिले कोभिड-१९ को महामारीले विश्व आक्रान्त बनेको छ । यो समस्या हाम्रो सामुन्नेमा छ । यसले हाम्र परिवार तथा आफन्तहरूलाई प्रभावित तुल्याएको छ ।'

विश्वले हाल सामना गरेको महामारीको समस्या निकै गम्भीर हो भन्दै यसका कारण १३ लाख भन्दा बढी व्यक्तिको मृत्यु भइसकेको बताउँदै थपे, 'आइएफआरसीका विज्ञहरूले मानव जीवन र पृथ्वीमा थप खतरनाक मध्यम तथा दीर्घकालीन असर जलवायु परिवर्तनका कारण आउने देखेका छन् ।'

कोभिड–१९ को समस्यासँग जुध्‍न एउटा वा धेरै खोपहरू छिट्टै हामीबीच उपलब्ध हुनेछन् तर दुर्भाग्यको कुरा जलवायु परिवर्तन नियन्त्रणका लागि उपायहरू खासै सोचिएको छैन । उहाँले विश्वले आगामी दशकहरूलाई जलवायु परिवर्तन नियन्त्रणका लागि सदुपयोग गर्नुपर्ने उनले बताए ।  (रासस)