भारतमा क्रिश्चियन महिलासँग बोलेको भन्दै मुस्लिम युवामाथि कुटपिट

नयाँदिल्ली- क्रिस्चियन महिलासँग बोलेको भन्दै एक भारतीय मुस्लिम युवकमाथि कुटपिट भएको छ ।

दक्षिण भारतको कर्नाटकको मेंगलुरुमा मुस्लिम युवकमाथि कुटपिट भएको हो । कुटपिटमा संलग्न चार जनालाई गिरफ्तार गरिएपछि यो घटना बाहिर आएको हो ।

---

बीबीसीका अनुसार गत मंगलवार ती मुस्लिम युवकमाथि कर्नाटकको बेलतांगडीमा कुटपिट भए पछि प्रहरीले कुटपिटमा संलग्नहरूको खोजी गरेको थियो । 

बीबीसीका अनुसार गाडीमा बसेकी क्रिस्चियन महिलासँग ती युवकले बोलेको र सोही गाडीमै नै सवार रहेका चार जना युवकहरूले उनीमाथि कुटपिट गरेका थिए ।

सो कुटपिटमा संलग्न रहेको आरोपमा कर्नाटक प्रहरीले दिनेश, नितेश, अविनाश र सचिन नामक युवालाई पक्राउ गरेको छ । प्रहरीका अनुसार कुटपिटमा संलग्न युवाहरू ती क्रिस्चियन महिलाकै चिनजानका व्यक्ति भएको जनाइएको छ ।