आज देखि २८ गतेसम्म सुडानमा युद्धविराम, वार्ता गर्न दुवै पक्ष मञ्जुर

काठमाडौं -  आज देखी लागु हुने गरी सातदिने युद्धविराम गर्न सुडानमा युद्धरत पक्ष सहमत भएका छन् ।​

सुडानी सेना (एसएएफ) प्रमुख अब्देल फताह अल बुरहान र अर्धसैनिक बल र्‍यापिड सपोर्टं फोर्सेस (एसएएफ) प्रमुख आज देखी वैशाख २८ गतेसम्म युद्धविराम गर्न सहमत भएका हुन ।

---

क्षिण सुडानको विदेशमन्त्रालका अनुसार राष्ट्रपति साल्भा किर मेयारदिटले विद्रोही पक्षसँग सम्पर्क गरी युद्ध बिराम गरी वार्तामा आउन आव्हान गरे पछि दुवै पक्ष युद्धबिराम गर्न सहमत भएका हुन । विदेश मन्त्रालयका अनुसार दुवै पक्षले वार्ताका लागि आ–आफ्ना प्रतिनिधि खटाउन पनि सहमत भएका छन् ।

दक्षिण सुडानका राष्ट्रपतिले लामो समयसम्म युद्धविराम हुनुपर्नेमा जोड दिँदै त्यसका निम्ति वार्ता अपरिहार्य भएको जनाउँदै आएका थिए । दुवै पक्षको अनौपचारिक छलफल पछि वार्ताको मिति र स्थल तय गरिनेछ । ​

दुवै नेता बीच भएको टेलिफोन वार्ता पछि शीघ्र वार्ता टोली गठन गरिने र जारी युद्धलाई स्थगित गरी राजनीतिक निकास खोज्न दुवै सहमत भएको अन्तर्राष्ट्रिय सञ्चार माध्यमले जानकारी दिएका छन । 

व्यापार र विकासका लागि अफ्रिकी देशको अन्तरसरकारी मञ्च (आइजीएडी) का प्रमुखसमेत रहेका दक्षिण सुडानका राष्ट्रपतिलाई युद्धरत पक्षलाई वार्ताको टेबलमा ल्याउन तथा युद्धविराम गराउन सम्बद्ध पक्षसँग वार्ता गर्न आइजीएडीले अधिकार प्रत्यायोजन गरेको थियो । भीषण युद्धका कारण राजधानी खार्तुमलगायत सुडानको अवस्था भयावह बनेपछि आइजीएडीले युद्धविरामको पहल गरेको हो ।

सत्ता संघर्षका लागि अचानक भड्किएको हिंसामा परी तीनसय भन्दा बढीको ज्यान गएको थियो । दुवै पक्षले युद्धका लागि एक अर्कालाई दोष देखाउँदै युद्धको कारण आफू नभएको भन्दै पन्छिँदै आएका छन ।