पाकिस्तानका पूर्व प्रधानमन्त्री इमरान खान पक्राउ

इस्लामाबाद - पाकिस्तानका पूर्व प्रधानमन्त्री इमरान खान मंगलबार इस्लामाबादबाट पक्राउ परेका छन् । भ्रष्टाचार कसुरमा अदालतमा हाजिर हुन आएका उनलाई अदालत परिसरबाटै पक्राउ गरिएको अन्तर्राष्ट्रिय सञ्चारमाध्यमले जनाएका छन् । 

उनलाई अल कादिर ट्रस्टमा भ्रष्टाचार गरेको उजुरी थियो । यही उजुरीविरुद्ध अदालतबाट जमानत लिन गएका उनलाई त्यहाँको नेसनल अकाउन्टेन्ट ब्युरोले समातेको हो । अदालत जाँदा जाँदै समातिएको कुरालाई अदालतले गम्भीर रुपमा हेरेको बताइएको छ । समातेर उनलाई कालो गाडीमा अज्ञातस्थल तिर लगिएको जनाइएको छ ।

---