टर्कीका विपक्षी नेताद्वारा राष्ट्रपति एर्डोगानविरुद्ध मुद्दा

इस्तानबुल - रेसेप तैयप एर्डोगानका चुनावी प्रतिद्वन्द्वीले कुर्दिश लडाकुहरूसँग विपक्षीहरूलाई जोड्ने अभियानको भिडियो प्रसारण गरेको भन्दै उनीविरुद्ध ५० हजार डलरको मुद्दा दायर गरेका छन् ।

धर्म निरपेक्षता पक्षपाती विपक्षी नेता केमाल किलिचदारोग्लुका वकिल सेलाल सेलिकले बिहीबार भनेका छन् “हामीले नक्कली भिडियोको जवाफ दिन यो मुद्दा दायर गरेका छौँ ।”

---

किलिचदारोग्लु मे १४ मा पहिलो राउण्डको चुनावी दौडमा एर्डोगानभन्दा झन्डै पाँच अंकले पछि परेका थिए ।    आइतबार टर्कीको राष्ट्रपति चुनावको दोस्रो चरण प्रवेश गरेको छ ।

किलिचदारोग्लुले यसअघि एर्दोगानविरुद्ध सांकेतिक मुद्दा दायर गरेका थिए । तर यस पटक क्षतिपूर्ति स्वरूप एक मिलियन लिरा (५० जकार डलर) माग गर्दै मुद्दा दायर गरिएको हो । 

उनले एडोर्गानले बारम्बार आफ्नो जुलुसमा एक भिडियो प्रसारण गर्ने गरेका छन् । जसले किलिचदारोग्लुलाई कुर्दिस्तान वर्कर्स पार्टी (पीकेके) का सैन्य कमाण्डरसँग अनुचितरूपमा जोड्ने प्रयास गरेको उनको दाबी छ । दशौँ हजारको ज्यान लिने दशक लामो विद्रोहका लागि टर्की र यसका पश्चिमी सहयोगीहरूले पीकेकेलाई आतंकवादी सङ्गठनको रूपमा सूचीबद्ध गरेका छन् ।

किलिचदारोग्लुका वकिलले एडोर्गानलाई “नैतिक मान्यता” तोडेको आरोप लगाउँदै झूटो भिडियो सम्प्रेषण गरेको भन्दै “राष्ट्रपतिको सिटमा बसेको व्यक्ति कसरी बेइमान हुन सक्छ ?” भनेर प्रश्न गरेका छन् ।
रासस