२० मिनेटमा दुई लिटर पानी पिउँदा महिलाले गुमाइन् ज्यान

न्युयोर्क- अप्रत्याशित रूपमा धेरै पानी पिउँदा अमेरिकामा ३५ वर्षीया महिलाको मृत्यु भएको छ । 

न्युयोर्क पोस्टको रिपोर्ट अनुसार इन्डियानाकी एश्ले समर्स जुलाई ४ को सप्ताहन्तमा आफ्नो परिवारसँग छुट्टीमा थिइन्। त्यही समयमा जब एश्ले तातो महसुस गर्न थालिन्, उनले २० मिनेटको अवधिमा २ लिटर पानी पिइन् । जसका कारण उनको मृत्यु भयो ।

---

डाक्टरहरुका अनुसार अत्यधिक पानी पिउनाले मृत्युको कारण विशेष प्रकारको रोग हो । यस प्रकारको रोगलाई हाइपोनेट्रेमिया अर्थात् पानीको विषाक्तता भनिन्छ। मेयो क्लिनिकका अनुसार मानिसको रगतमा सोडियमको मात्रा असामान्य रूपमा कम भएमा यस्तो रोग लाग्ने गर्छ ।

पीडित महिलाका जेठा भाइ डेभन मिलरले भने, ‘मेरी बहिनीले २० मिनेटमा चार बोतल पानी पिइन् । एउटा बोतलमा आधा लिटर पानी हुन्छ। अर्थात् उनले जम्मा २ लिटर पानी पिइन् । डेभन मिलरले भने कि जब मेरी बहिनी घरमा थिइन्, उनी ग्यारेजमा बेहोस अवस्थामा थिइन्। मेरो अर्की दिदी होलीले मलाई फोनमा यसबारे जानकारी गराइन् ।’

उनले अगाडि भने, ‘उसको मस्तिष्क सुन्निएको हुनाले हामीले उनलाई अस्पताल लग्यौं । तर, त्यतिबेलासम्म किन यस्तो भयो भन्ने थाहा भइसकेको थियो ।’

डाक्टरहरूले पीडित परिवारलाई हाइपोनेट्रेमियाका कारण मृत्यु भएको जानकारी दिए, जसलाई सरल भाषामा पानीको विषाक्तता पनि भनिन्छ। यो अवस्था तब हुन्छ जब कसैको रगतमा सोडियमको मात्रा असामान्य रूपमा कम हुन्छ।

पानीको विषाक्तता घातक हुने चिकित्सकले बताएका छन् । यस्तो अवस्थामा मानिसले थोरै समयमा धेरै पानी पिउँदा मिर्गौलामा बढी पानी जम्मा हुन्छ । जसका कारण पानी विषाक्त हुने गर्छ । मानिस अस्वस्थ महसुस गर्न थाल्छ। मांसपेशी दुख्ने, वाकवाकी लाग्ने र टाउको दुख्ने समस्या हुन थाल्छ । गर्मीमा यस्तो अवस्था बढी देखिन्छ ।