सिङ्गापुरमा लागूऔषध कारोबारमा संलग्न ४९ जना पक्राउ

सिङ्गापुर- सिङ्गापुरको सेन्ट्रल नार्कोटिक्स ब्युरोले लागूऔषध कारोबारको आशङ्कामा ४९ जनालाई पक्राउ गरेको छ  ।

हालै गरेको अपरेसनमा सेन्टोसा टापुको एउटा होटेल भिलामा  ती संदिग्धहरू पक्राउ परेका हुन् ।

---

ती ४९  संदिग्धहरू २१ देखि ४६  वर्ष उमेर समूहका छन् । जसमध्ये ३५ सिङ्गापुरीहरू रहेको बताइएको छ । 

कारबाहीका क्रममा "एक्स्टेसी" र केटामाइन लगायतका नियन्त्रित लागूऔषध र लागूऔषध सामग्री बरामद गरिएको  पनि  बताइएको छ। यस बारे थप अनुसन्धान जारी छ । (सिन्ह्वा)