युक्रेनी राष्ट्रपति जेलेन्स्कीले अमेरिकी संसद्‌ भ्रमण गर्ने

वासि‌‌गटन डिसी- अमेरिकी राष्ट्रपति जो बाइडन र युक्रेनी राष्ट्रपति भोलोदिमिर जेलेन्स्कीबीच भेटवार्ता तय भएको छ ।

रुससँग युद्धरत युक्रेनलाइ सैन्य सहायता दिँदै आएको अमेरिकाका राष्ट्रपतिले समकक्षी जेलेन्सिकी बिच हुने भेटघाटलाई महत्वका साथ हेरिएको छ ।

---

आगामी बिहीबार हुने सो भेटवार्ताबारे अमेरिकी राष्ट्रपतिको कार्यालय, ह्वाइटहाउसले जानकारी दिँदै युक्रेनी राष्ट्रपतिले आफ्नो युद्धग्रस्त देशलाई थप आर्थिक एवं सैन्य सहायताका लागि राष्ट्रपति बाइडनसमक्ष आग्रह गर्ने जनाएको छ । 

ह्वाइट हाउसका अनुसार सो क्रममा युक्रेनका समकक्षी जेलेन्स्कीले आर्थिक सहायता प्राप्तिका लागि अमेरिकी संसद्‌को पनि भ्रमण गर्नेछन् ।

बाइडन प्रशासनले अमेरिकी संसद्‌् कंग्रेसलाई युक्रेनका लागि २४ अर्ब डलर विनियोजन गर्ने प्रस्ताबलाई अनुमोदन गर्नका लागि प्रस्ताव पेश गरिसकेको छ । जसअनुसार सो रकम मध्ये १३ अर्ब १० करोड अतिरिक्त सैन्य सहायता तथा आठ अर्ब ५० करोड मानवीय सहयोगमा खर्च गर्ने भन्दै बाइडन प्रशासनले संसद्‌सँग अनुमति मागिरहेको बेला जेलेन्स्कीले अमेरिकी संसद्‌को भ्रमण गर्न लागेका हुन् ।

तर बाइडन प्रशासनले आर्थिक सहयता दिए पनि रिपब्लिकन पार्टीका केही नेताले युक्रेनका जनरलहरूले युद्ध सञ्चालन गर्ने तरिकाको भने तिब्र आलोचना गर्दै आएका छन, उनीहरुले अमेरिकी सहयोगको उनीहरुले उचित प्रयोग नगरेको भन्दै युक्रेनको नेतृत्व प्रति असन्तुष्टी जनाउँदै आएका छन । सम्भवतः रिपब्लिकन पार्टीका यस असन्तुष्टीलाई सम्बोधन गर्नका लागि पनि युक्रेनी राष्ट्रपति भरमग्दुर प्रयास गर्ने अन्तर्राष्ट्रिय मिडियाले जनाएका छन् ।