नोबेल पुरस्कार घोषणा अघि बिजेताको नाम लिक भएपछि छानबिन सुरू

स्वीडेन- सन् २०२३ को नोबेल पुरस्कार विजेताको घोषणा सुरु भएको छ । 

चिकित्साशास्त्रमा पहिलो नोबेल पुरस्कार क्याटलिन क्यारिको र ड्र्यू वेइसम्यानलाई प्रदान गरिएको थियो। र त्यसपछि भौतिकशास्त्रको क्षेत्रमा २०२३ को नोबेल पुरस्कार संयुक्त रूपमा पियरे अगस्टिनी, फेरेंक क्राउज र एनी लुहुलियरलाई प्रदान गरिएको थियो। 

---

तर, यस वर्षको रसायन शास्त्रतर्फको नोबेल पुरस्कार विजेताको सूची सार्वजनिक हुनुअघि नै लिक भएको छ, यो स्वीडेनी मिडियाको दाबी हो।

स्वीडेनी मिडिया आउटलेटहरूले बुधवार यस वर्षको नोबेल रसायनशास्त्र पुरस्कार प्राप्तकर्ताहरूको कथित रूपमा नामहरू प्रकाशित गरे, जो लिक भएपछि हलचल मच्चाएको छ । बास्तवमा, मिडियाहरूले विजेताहरूको नामहरू विजेताहरूको घोषणा हुनुभन्दा केही घण्टा अघि खुलासा गरेको थिए । यो उल्लेखनीय छ कि नोबेल पुरस्कार विजेताहरूको नाम सधैं गोप्य राखिएको छ, त्यसैले नामहरू लीक हुनु आश्चर्यजनक मानिन्छ ।

स्वीडेनी अखबार डागेन्स न्येटर र सार्वजनिक प्रसारक स्वीडेनी टेलिभिजन र स्वीडिश रेडियोले रोयल स्वीडिश एकेडेमी अफ साइन्सेसबाट प्रेस विज्ञप्ति प्राप्त गरेर समाचार प्रकाशित गरेका जनाएका छन्, जसमा तीन अमेरिकी रसायनशास्त्रीहरूको नाम उल्लेख गरिएको थियो। 

एकेडेमीका प्रवक्ता इभा नेभिलियसले यस सम्बन्धमा मिडिया प्रतिक्रिया दिदै भनेकी छिन, ‘के भयो थाहा नभएसम्म हामी यसमा टिप्पणी गर्न सक्दैनौं, हामीले यसलाई के भएको हो भनी हेर्नु पर्छ, हामी छानबिन गरिरहेका छौँ ।’

स्वीडिस समाचारका अनुसार पुरस्कार विजेताहरूमा म्यासाचुसेट्स इन्स्टिच्युट अफ टेक्नोलोजीकी माउंगी बावेन्डी, कोलम्बिया विश्वविद्यालयका लुइस ब्रुस र नानोक्रिस्टल प्रविधिमा काम गर्ने एलेक्से एकिमोभ रहेका छन्। समाचार अनुसार उनले क्वान्टम डट्सको खोज र संश्लेषणका लागि यो अवार्ड जितेका हुन् । 

एकेडेमीको नोबेल रसायन विज्ञान समितिका विशेषज्ञ हेनर लिंकेले डेजेन्स नाइटरले पनि आश्चर्य व्यक्त गरेका छन । उनले औपचारिक घोषणा हुनु अघि नै बिजेताहरुको नाम घोषणा भए पछि लिंकेले भने, ‘अहिले म के भएको हो ? बुझ्ने कोसिस गरिरहेको छु, यद्दपी यो छानबिनको बिषय हो ।’