हमासको बन्धकमा १३ वर्षका बालकदेखि ७९ वर्षीयासम्म

प्यालेस्टाइनी अतिवादी समूह हमास र इजरायलबीचको जारी युद्धमा मृत्यु हुनेको संख्या बढ्दै गएको छ । 

इजरायलले जमिनबाट आक्रमण गर्न खोजेपछि हमासले अपहरणमा परेका सबै १५० जना इजरायलीलाई मारिदिने धम्की दिएको छ ।  

---

बीबीसीका अनुसार युद्ध लम्बिँदै जाँदा १५० भन्दा बढीलाई हमासले बन्धक बनाएको छ जबकि तिनीहरूका परिवारहरू आशा र डरमा बाँचिरहेका छन्। 

प्यालेस्टाइनी लडाकु समूहले उनीहरूलाई गाजाभित्र ‘सुरक्षित स्थान र सुरुङ’ मा राखेको बताएको छ । तर, चेतावनी बिना इजरायलले प्यालेस्टाइनी नागरिकका घरहरूमा बमबारी गरेमा यसरी अपहरणपछि बन्धक भएका सबै इजरायलीहरूलाई मार्ने धम्की दिएको छ ।

अपहरणमा पर्नेहरूमा  मध्ये ७९ वर्षीया चन्ना पेरी र उनका छोरा ५१ वर्षीय नादव पोपलवेल पनि रहेका छन् ।

चन्नाहकी छोरी आयलेट स्वातिट्जकीका अनुसार बन्दुकधारीहरूले आक्रमण गर्दा उनीहरू फोनमा कुरा गरिरहेकी थिइन् । उनले भनिन्, ‘पछि हमास लडाकूहरूले पृष्ठभूमिमा हतियारधारीहरूसहित बसेर उनका दुई जना मधुमेह भएका आफन्तका तस्बिरहरू पठाएका थिए ।’

इजरायलबाट हमासले बन्धक बनाएको विश्वासयोग्य रूपमा रिपोर्ट गरिएका मानिसहरूका कथाहरू धेरै छन् । तिनीहरूमा १३ बालबालिका र कम्तिमा आठ ६० वर्ष नाघेका वृद्धहरू अझै अपहरणमा रहेका छन् ।