‘हामीले भग्नावशेषमुनि मानिसहरु चिच्याएको सुन्छौं, तर केही गर्न सक्दैनौं’

काठमाडौँ - गाजाका डाक्टर अहमद शाहीनले इजरायलले  बमबारी गरेपछि गाजाको अवस्था एकदमै खराब रहेको बताएका छन् । ​

बोस्नियाको स्वतन्त्र समाचार वेबसाइट इस्रागालाई गर्दै शाहिनले यस्तो बताएका हुन् । इजरायलले विमान, समुद्र र जमिनबाट गाजामा बमबारी गरिरहेको उनले बताए।  

---

उनले भने, 'अवस्था झन् बिग्रँदै गइरहेको छ। बम विस्फोट अझै जारी छ, यो रोकिएको छैन। तिनीहरू सबै पक्षबाट बमबारी गरिरहेका छन्  ।'

गाजामा बमबारीबाट भत्किएका घरभित्र मानिसहरु चिच्याइरहेका उनले बताए । 'भत्किएका भवनहरू मुनि मानिसहरु फसेका छन् तर मानिसहरूलाई बचाउन सकिँदैन। हामीले उनीहरुको चिच्याहट सुन्छौं, तर केही गर्न सक्दैनौं । अस्पतालहरू घाइते, मृतकले भरिएका छन्। शव राख्न फ्रिजमा ठाउँ छैन। डर वर्णन गर्न सकिँदैन,' उनले भने।

'पानी छैन, बिजुली छैन। सबैभन्दा नराम्रो कुरा यो छ कि त्यहाँ न पिउने पानी छ न हात धुने नै', उनले भने ।