इजरायली बम आक्रमणमा प्यालेस्टाइनमा दर्जनौको मृत्यु

काठमाडौँ- इजरायली सेनाले प्यालेस्टाइनको एक विद्यालयमा गरेको बम आक्रमणमा परी कम्तिमा पनि २० जनाको मृत्यु भएको छ ।

गाजा सहरको उत्तरी क्षेत्रमा रहेको अल-साफ्तावीमा रहेको विद्यालयमा भएको बम आक्रमणमा २० जनाको मृत्यु भएको तथा अन्य कैयौँ मानिस घाइते भएको अल-जजिराले जनाएको छ ।

---

प्यालेस्टाइनको समाचार संस्था वाफाले जनाएअनुसार विद्यालयमा हजारौँ मानिसले शरण लिइरहेको तथा बम आक्रमणका कारण उनीहरुको मृत्यु भएको हो ।

बम आक्रमण हुँदा हजारौँ मानिस सो विद्यालय भित्र रहेको जनाइएको छ ।

त्यसैगरी, इजरायली सेनाले एक एम्बुलेन्समाथि गरेको आक्रमणमा परी कम्तिमा पनि १५ जनाको मृत्यु भएको अल-जजिराले उल्लेख गरेको छ ।