गाजाका ६० प्रतिशत अस्पताल र मेडिकल बन्द, बाँकी अस्पतालका इन्धन भण्डार ४८ घण्टाभित्र रित्तिँदै

गाजा- गाजामा रहेका ६० प्रतिशत अस्पताल र मेडिकलहरू बन्द भएका छन् । 

निरन्तर इजरायली बमबारीका कारण चिकित्सक र मेडिकल सामाग्रीको अभावमा बन्द भएका हुन् । 

---

प्यालेस्टिनी प्राधिकरणका मन्त्रीका अनुसार गाजाका ६० प्रतिशतभन्दा बढी मेडिकल सुविधाहरू सेवा बाहिर छन् । 

प्यालेस्टिनी प्राधिकरणका स्वास्थ्यमन्त्री माई अल काइलाका अनुसार गाजाका ६० भन्दा बढी अस्पताल र चिकित्सा केन्द्रहरू अब सेवा बाहिर रहेको जनाएका हुन् ।

इन्धन र चिकित्सा आपूर्तिको अभावका साथै इजरायली बमबारीका कारण ३५ अस्पतालमध्ये १६ र ७२ मेडिकल सेन्टरमध्ये ५१ वटा सञ्चालनमा नआएको अल काइलाले बताए।

प्यालेस्टाइन रेड क्रिसेन्ट सोसाइटीले १४ हजार विस्थापित मानिसहरूलाई आश्रय दिने अल कुड्स अस्पतालमा इन्धन अभावको असरबारेमा चेतावनी दिँदै गाजामा सहायता र आपूर्तिहरू उपलब्ध गराउन अन्तर्राष्ट्रिय स्वास्थ्य र राहत संस्थाहरूलाई तत्काल अपील गरेको छ।

'अस्पतालको इन्धन भण्डार ४८ घण्टाभित्र सकिँदैछ र जीवन बचाउने उपकरण, नवजात शिशु इन्क्युबेटर र सघन हेरचाह एकाइहरू काम गर्न बन्द हुनेछन्' क्रिसेन्टले सोमबार एक विज्ञप्तिमा भनिसकेको छ ।