गाजामा १० हजार ३०० को मृत्यु

काठमाडौँ - इजरायलले गाजामा गरेको आक्रमणमा १० हजार बढीको मृत्यु भएको छ । गाजास्थित स्वास्थ्य मन्त्रालयले दिएको जानकारी अनुसार इजरायलले गरेको आक्रमणमा परी हालसम्म चार हजार भन्दा बढी बालबालिकासहित १० हजार ३२८ व्यक्ति मारिएको छन् । 

हिजो एकैदिन तीन सय बढीको मृत्यु भएको हो । केही राजनीतिज्ञहरूले गाजा स्वास्थ्य मन्त्रालयको तथ्यांकको शुद्धतामा प्रश्न उठाएका छन्, तर विश्व स्वास्थ्य संगठनले यो संख्या विश्वसनीय छ भन्ने विश्वास गरेको छ।

---

अक्टोबर ७ मा हमासले इजरायलमा १४ सय भन्दा बढी व्यक्तिको हत्या र दुई सय भन्दा बढीलाई अपहरण गरेपछि इजरायलले गाजामा आक्रमण गर्न थालेको हो ।