संयुक्त राष्ट्रसंघ एजेन्सीको मुख्यालय पनि इजरायली हवाई आक्रमणको सिकार

गाजा- संयुक्त राष्ट्रसंघ विकास कार्यक्रमले गाजामा रहेको आफ्नो मुख्यालय इजरायली हवाई आक्रमणको सिकार भएको र त्यहाँ शरण लिइरहेका प्यालेस्टिनी शरणार्थीहरूको हताहत भएको जानकारी दिएको छ ।

शनिबार वेबसाइटमा प्रकाशित विज्ञप्ति अनुसार  संयुक्त राष्ट्रसंघ एजेन्सीले आक्रमणबाट आफ्नो परिसरमा शरण खोजिरहेका मानिसहरूको मृत्यु  भएको जनाएको छ । साथै घाइतेहरूप्रति गहिरो चिन्तासमेत व्यक्त गरेको छ।

---

विज्ञप्तिमा भनिएको छ- नागरिक पूर्वाधारको रक्षा गर्न र संयुक्त राष्ट्रसंघबाट दिइएको मानवीय सहयोगलाई सुरक्षित राख्नुपर्ने आवश्यकतालाई जोड दिइएको छ । हालसम्म यस घटनाबारे इजरायली पक्षबाट कुनै प्रतिक्रिया आएको छैन। (सिन्ह्वा)