१६ जना बालबालिकासँग यौन दुर्व्यवहार गर्ने ‘मोन्स्टर नानी’लाई ७०७ वर्षको जेल सजाय

क्यालिफोर्निया- नाबालिगहरूलाई दुर्व्यवहार गरेको आरोपमा ७०७ वर्षको सजाय पाएका ‘मोन्स्टर नानी’ समाचारमा छाएका छन्  । 

यो व्यक्ति पुरुष नानीको रूपमा काम गर्थे र धेरै मानिसहरूले आफ्ना बच्चाहरूको हेरचाह गर्न उनलाई काममा राखेका थिए । यसले २ देखि १२ वर्षका १६ नाबालिग बालबालिकालाई आफ्नो सिकार बनाएपछि उनलाई त्यति धेरै ठूलो सजाय दिइएको हो ।

---

उनी बालबालिकालाई अश्‍लील भिडियो देखाउने उनीहरूसँग गलत काम गर्नेलगायत ३४ वटा अपराधमा दोषी ठहर भएका छन् ।

यस व्यक्तिको नाम म्याथ्यू जाक्रजेव्स्की हो, जसलाई पीडितका छोराछोरीका परिवारहरूले अहिले ‘मोन्स्टर नानी’ भनेर सम्बोधन गरिरहेका छन् । म्याथ्युले यी बालबालिकालाई के गरेको हो ? भन्दै पीडित परिवारले मृत्युदण्डको मागसमेत गरेका छन् । उनले बालबालिकाको बाल्यकाल बिगारेको आरोप लगाएका छन् । 

मुद्दाको सुनुवाइ गरिरहेका ओरेन्ज काउन्टी जिल्ला अधिवक्ता टोड स्पाइजरले भने कि म्याथ्यूले यी बालबालिकाको बाल्यकाल खोसेको छ। भगवानको भेषमा उनीहरूको जीवनमा आएका यी जन्तुले उनीहरूको बाल्यकाल खोसिएकोले यी बालबालिकाले आफू बन्न चाहेको मान्छेलाई कहिल्यै थाहा नहुने बताए ।

म्याथ्यूले आफूलाई मूल बेबी सिटरको रूपमा वर्णन गरेका छन । उनका काम भनेको बेबी सिटिङ, गाइडिङ, छुट्टी र रातभर बेबी सिटिंग जस्ता सेवाहरू प्रदान गर्ने थियो । उनले एक वेबसाइट पनि बनाएका थिएँ, जहाँ उनले यो सबै जानकारी दिएका थिए । यहींबाट मानिसहरूले उनलाई आफ्ना छोराछोरीको हेरचाहका लागि काममा राखेका थिए । 

तर, म्याथ्यू जाक्रजेस्कीलाई बाल यौन दुर्व्यवहार र पोर्नोग्राफी सहित ३४ वटा मुद्दामा दोषी ठहर भएका छन । ३४ मध्ये २७ वटा घटना १४ वर्ष मुनिका बालबालिकासँग जबरजस्ती यौनसम्पर्क गरेको तथा दुई जना १० वर्ष मुनिका बालबालिकासँग मौखिक सम्भोग गरेको र बाल पोर्नोग्राफीको एउटा घटना रहेको छ । नाबालिगसँग यौनसम्पर्क गरेको घटना पनि यसमा समावेश छ ।