फिलिपिन्समा ७.६ म्याग्निच्युडको शक्तिशाली भूकम्प

काठमाडौँ - फिलिपिन्सको दोस्रो ठूलो टापु मिन्डानाओमा दुई वटा शक्तिशाली भूकम्प गएको छ ।  जसले सम्भावित 'विनाशकारी सुनामी'को प्रारम्भिक डर बढाएको छ।

अमेरिकी भौगर्भिक सर्वेक्षणले शनिबार राति ७.६ म्याग्निच्युडको पहिलो भूकम्प मापन गरेको थियो भने त्यसको केही समयपछि ६.४ मापन भएको थियो।

---

फिलिपिन्स इन्स्टिच्युट अफ ज्वालामुखी तथा भूकम्प विज्ञानले ७.४ र ६.१ म्याग्निच्युडको भूकम्प गएको जनाएको बीबीसीले उल्लेख गरेको छ ।

भूकम्पका कारण ठूला शहरका स्थानीयहरु घर बाहिर निस्केका थिए भने अस्पतालबाट बिरामीहरूलाई पनि बाहिर निकालिएको थियो । भूकम्पबाट भएको क्षतिको भने कुनै विवरण आएको छैन ।