इजरायलले शरणार्थी शिविरमा हवाई आक्रमण गर्दा ७० जनाको मृत्यु

काठमाडौँ - इजरायलले हमासको शिविरमा हवाई आक्रमण गर्दा ७० जनाको मृत्यु भएको छ । गाजाको स्वास्थ्य मन्त्रालयले दिएको जानकारीअनुसार अल मगाजी शरणार्थी शिविरमा इजरायलले हवाई आक्रमण गर्दा ७० जनाको मृत्यु भएको हो । 

स्वास्थ्य मन्त्रालयलका प्रवक्ताले यस क्षेत्रमा मानिसहरूको बसोवास बाक्लो भएकाले मृत्तकको संख्या अझै बढ्ने बताएका छन् । इजरायली सेनाले भने यो हमलाको रिपोर्ट आइनसकेको बताएको छ । 

---

विभिन्न भिडियो फुटेजहरूमा दर्जनौं घाइते भएका र उनीहरूलाई माघाजीबाट नजिकैको अल-अक्सा अस्पतालमा लगिएको देखाइएको छ । घाइते बालबालिकाको अनुहार रगतले लतपतिएको छ भने शरीरका छालाहरू बाहिर निस्किएको देखाइएको छ । 

स्वास्थ्य मन्त्रालयले आइतबार भएको आक्रमणमा तीन वटा घरमा क्षति पुगेको जनाएको छ। मन्त्रालयका प्रवक्ता अशरफ अल-कुद्राका अनुसार घना जनसंख्या भएको आवासीय ब्लक ध्वस्त भएको छ।