जापान भूकम्प : मृतकको संख्या २० पुग्यो

टोकियो- उद्धारकर्ताहरू सबैभन्दा बढी प्रभावित क्षेत्रमा पुग्न संघर्ष गर्दा मृतकको सङ्ख्या बढ्दै गएको छ ।

जापानमा सोमबार आएको शक्तिशाली भूकम्पमा परी कम्तीमा अहिलेसम्म कम्तिमा २० जनाको मृत्यु भएको स्थानीय सञ्चारमाध्यमले जनाएका छन् ।

---

सोमबार दिउँसो जापानको समयमा गएको ७.६ म्याग्निच्युडको भूकम्पले तटीय क्षेत्रका बासिन्दाहरूलाई सुनामीको चेतावनी जारी गरेपछि भाग्‍न बाध्य बनाएको थियो ।

जापानभरबाट हजारौँ सेना, अग्निनियन्त्रक र प्रहरी अधिकारीहरूलाई अपेक्षाकृत दुर्गम नोटो प्रायद्वीप, इशिकावा प्रान्तको सबैभन्दा बढी प्रभावित क्षेत्रमा पठाइएको छ ।

तर यस क्षेत्रमा नराम्ररी क्षतिग्रस्त र अवरुद्ध सडकहरूका कारण उद्धार कार्यमा बाधा पुगेको छ र यस क्षेत्रको एउटा विमानस्थलको धावनमार्गमा दरारका कारण बन्द गर्न बाध्य भएको छ ।

एनएचकेले वाजिमा शहरका अधिकारीहरूलाई उद्धृत गर्दै भूकम्पपछि २० जनाको मृत्यु भएको पुष्टि भएको बताएको छ।