इरानले भन्यो– पाकिस्तानी हमलामा नौ जना मारिए

काठमाडौँ - इरानको सरकारी मिडिया इरनाका अनुसार पाकिस्तानले गरेको आक्रमणमा नौ विदेशी नागरिक मारिएका छन् । 

इरानका आन्तरिक मन्त्री अहमद वाहिदीले उक्त हमलामा तीन महिला, चार बालबालिका र दुई पुरुषको मृत्यु भएको बताए । यो हमला भएको स्थान इरानको सिमानाबाट तीन–चार किलोमिटर टाढा छ ।

---

यसअघि पाकिस्तानले इरानको सिस्तान–बलुचिस्तान प्रान्तमा अतिवादीलाई लक्षित गरी हमला गरेको दाबी गरेको थियो ।