मुम्बईको २२ तले भवनमा भीषण आगलागी

मुम्बई- भारतको मुम्बईस्थित मलाड क्षेत्रमा रहेको २२ तले भवनमा शनिबार दिउँसो भीषण आगलागी भएको छ ।

बस्ती पुनर्वास प्राधिकरणको कुरार गाउँस्थित भवनमा आगलागी भएको हो । घटनामा कुनै मानवीय क्षति नभएको बताइएको छ ।

---

आगलागी भएको जानकारी प्राप्त हुनासाथ पाँच वटा दमकलसहितको उद्धार टोली घटनास्थलमा पुगेर आगो नियन्त्रणमा लिने काम सुरु गरेको जानकारीमा आएको छ ।

यद्यपि घटनाको विस्तृत विवरण भने सार्वजनिक हुन बाँकी छ । रासस/एएनआई