राम मन्दिर सर्वसाधारणका लागि खुला, दर्शनका लागि भीड

काठमाडौँ - अयोध्याको राम मन्दिरमा रामललाको मूर्तिको अभिषेकपछि मंगलबार सर्वसाधारणका लागि मन्दिर खोलिएको छ । 

बिहान ३ बजेदेखि दर्शनका लागि भक्तजनको भीड लागेको  भारतीय सञ्चारमाध्यमले बताएका छन् । मन्दिरको ढोका खुल्ने बित्तिकै मानिसहरुले भित्र जान तछाडमछाड गरेका थिए । 

---

प्राण प्रतिष्ठापछि आज बिहान राम मन्दिरमा पहिलो पटक आरती गरिएको छ । दर्शनका लागि मानिसको भीड लागेको छ र त्यसका लागि कडा सुरक्षा व्यवस्था गरिएको छ ।​सरयु नदीमा नुहाउन पनि ठूलो संख्यामा मानिसहरु आएका छन् ।

सोमबार प्रधानमन्त्री नरेन्द्र मोदीले रामलल्लाको अभिषेक गरेका थिए । यस अवसरमा देशका धेरै प्रतिष्ठित व्यक्तित्वहरू अयोध्या पुगेर समारोहमा सहभागी भएका थिए।