इजरायलले गाजामा नरसंहार रोक्नुपर्छ : राष्ट्रसंघीय अदालत

न्युयोर्क- संयुक्त राष्ट्र संघको सर्वोच्च अन्तर्राष्ट्रिय अदालतले इजरायललाई गाजामा नरसंहार रोक्न र त्यस्ता गतिविधिलाई उक्साउनेहरूलाई सजाय दिन आग्रह गरेको छ ।

संयुक्त राष्ट्रसंघको सर्वोच्च अदालतले इजरायललाई गाजामा नरसंहार गरेको आरोप लगाउने मुद्दा खारेज नगर्ने बताएको छ । 

---

गाजामा हमासविरुद्ध इजरायलको युद्धमा २६ हजारभन्दा बढी प्यालेस्टाइनी मारिएका छन् । यो द्वन्द्व अक्टोबर ७ मा इजरायलमाथि हमासको आक्रमणको प्रतिक्रियामा सुरु भएको थियो ।

अदालतले इजरायलले आफ्ना सैनिकहरूलाई प्यालेस्टिनीहरूविरुद्ध नरसंहार गर्नबाट रोक्नको लागि कदम चाल्नुपर्ने बताएको छ । इजरायलविरुद्ध दक्षिण अफ्रिकाको नरसंहार मुद्दा खारेज नगर्ने अदालतले जनाएको छ ।

उही समयमा इजरायलले दक्षिण अफ्रिकाको आरोपलाई झूटो र अत्यन्तै विकृतको रूपमा वर्णन गरेको छ र उसले नागरिकको क्षतिबाट बच्‍न हर सम्भव प्रयास गरेको जनाएको छ ।

अदालतका अध्यक्ष जोन ई डोनोघुएले भने, ‘अदालत यस क्षेत्रमा फैलिरहेको मानवीय त्रासदीको हदको बारेमा गम्भीर रूपमा सचेत छ र निरन्तर जीवनको क्षति र मानवीय पीडाप्रति गहिरो चिन्तित छ ।’ वास्तवमा दक्षिण अफ्रिकाले अदालतलाई इजरायललाई गाजामा र जनताविरुद्धको सैन्य कारबाही तुरुन्तै स्थगित गर्न आग्रह गरेको थियो ।

तर अन्तर्राष्ट्रिय अदालतले दक्षिण अफ्रिकाको यो याचिका खारेज गरिदियो । अदालतले इजरायलले मृत्यु र क्षतिलाई सीमित गर्ने प्रयास गर्नुपर्ने फैसला गरेको छ ।