विहारका मुख्यमन्त्री नितिश कुमारले दिए राजीनामा

काठमाडौँ - विहारका मुख्यमन्त्री नितिश कुमारले पदबाट राजीनामा दिएका छन् । राजभवन पुगेर राज्यपाल राजेन्द्र अर्लेकरलाई भेटेर नितिश कुमारले आइतबार मुख्यमन्त्री पदबाट राजीनामा दिएका हुन् । 

उनले सञ्चारमाध्यमलाई भने, 'आज मैले पदबाट राजीनामा दिएको छु। हामीले पार्टीका जनताको कुरा सुनेर सरकार अन्त्य गर्ने प्रस्ताव राख्यौं। आज गठबन्धनबाट अलग भयौँ।'

---

यसअघि विहारमा जारी राजनीतिक गतिविधिका बीच राजधानी पटनामा जनता दल (संयुक्त) को बैठक बसेको थियो ।

यो भेट नितिश कुमारको मुख्यमन्त्री निवासमा भएको थियो । जसमा विधायक, व्यवस्थापिका सदस्य र सांसदहरूको सहभागिता रहेको थियो । त्यसपछि नितिश कुमार राजभवन गएका थिए ।