जनवरीमा श्रीलंकामा डेंगुका बिरामीको संख्या १० हजार नाघ्यो

कोलम्बो- श्रीलंकामा जनवरी महिनामा १० हजारभन्दा बढी डेंगुका बिरामीहरू फेला परेका छन् ।  साथै डेङ्गी सङ्क्रमणबाट ४ जनाको मृत्यु भएको राष्ट्रिय डेंगु नियन्त्रण एकाइले शुक्रबार जानकारी गराएको छ ।

एनडीसीयुले शुक्रबारसम्म १० हजार ६३५ जनामा सङ्क्रमण भएको उल्लेख गरेको छ र तीमध्ये १० हजार ४१७ जनवरी महिनामा मात्र भएको बताएको छ। पश्चिमी प्रान्तमा सबैभन्दा बढी ३ हजार ४८९ जनामा सङ्क्रमण फेला परेको छ भने त्यसपछि उत्तरी प्रान्तमा २ हजार ७३४ जनामा सङ्क्रमण भएको पाइएको छ ।

---

गत वर्ष ८८ हजारमा डेंगु सङ्क्रमण भएको  थियो र  तीमध्ये ५७ जनाको सङ्क्रमणबाट मृत्यु भएको थियो । यसैबीच स्वास्थ्य मन्त्रालयले लामखुट्टेको टोकाइबाट हुने रोगको फैलावट रोक्न देशव्यापी डेंगु रोकथाम सप्ताह घोषणा गरेको छ । (सिन्ह्वा)