जर्मनीको टेस्ला कारखानामा प्रदर्शनकारीद्वारा आक्रमणको प्रयास

काठमाडौँ- जर्मनीको बर्लिन नजिकै रहेका टेस्ला फ्याक्ट्रीमा आक्रमण गर्ने प्रयास गरेपछि प्रदर्शनकारी तथा प्रहरीबीच झडप भएको छ ।

जलवायुको वकालत गर्ने सयौं प्रदर्शनकारीहरूले टेस्ला फ्याक्ट्रीमा आक्रमण प्रयास गरेपछि प्रहरीसँग झडप भएको बीबीसीले उल्लेख गरेको छ ।

---

विद्युतीय कार निर्माण गर्ने एकमात्र युरोपेली प्लान्टको प्रस्तावित विस्तारको विरोधमा प्रदर्शन भएको हो । सोही क्रममा प्रदर्शनकारी र प्रहरीबीच झडप भएको हो ।

झडपका क्रममा कैयौं प्रहरी घाइते भएको बताइएको छ । सोही क्रममा प्रहरीले कैयौं प्रदर्शनकारीलाई पक्राउ गरेका थिए ।