एप्पलले विवादास्पद 'आईप्याड प्रो' विज्ञापनको लागि माग्यो माफी

काठमाडौँ- एप्पलले 'आईप्याड प्रो' को विवादास्पद विज्ञापनका लागि माफी मागेको छ ।

आईप्याडको रचनात्मक क्षमता देखाउने उद्देश्यले गरिएको विज्ञापनलाई लिएर व्यापक आलोचना गरिएपछि एप्पलले माफी मागेको डिजिटल इन्फर्मेसन वर्ल्डले जनाएको हो ।

---

विवादास्पद विज्ञापनमा परम्परागत रूपमा रचनात्मकतासँग सम्बन्धित विभिन्न वस्तुहरू, जस्तै ट्रम्पेट, पियानो, क्यामेरा, पेन्ट क्यान र भिडियो गेम कन्सोललाई औद्योगिक प्रेसद्वारा थिचिएको देखाइएको थियो ।

यसलाई सोनी एन्ड चेर द्वारा निर्मित 'अल आई एभर निड इज यू' को धुनमा राखिएको थियो ।

खासमा एप्पलले नयाँ चीजहरू सिर्जना गर्न आईप्याड प्रोको बहुमुखी प्रतिभाको बारेमा सन्देश दिन चाहेको भएपनि दर्शकहरूले विज्ञापनले सुझाव दिएको प्रविधिले रचनात्मकताका परम्परागत रूपहरूलाई नष्ट गर्न सक्ने भन्दै आलोचना गरेका थिए ।