विश्वका ७ आईफोनमध्ये १ भारतमा उत्पादन हुन्छ : प्रधानमन्त्री मोदी

काठमाडौँ- भारतीय प्रधानमन्त्री नरेन्द्र मोदीले विश्वका ७ आईफोनमध्ये १ भारतमा उत्पादन भइरहेको बताएका छन् ।

प्रधानमन्त्री मोदीले भारत अहिले विश्वको दोस्रो ठूलो मोबाइल फोन उत्पादक देश भएको समेत बताएका भारतीय संचारमाध्यम आईएएनएसले उल्लेख गरेको हो ।

---

उनले भारतबाट कीर्तिमानी संख्यामा एप्पलका सामानहरु विश्वव्यापीरुपमा निर्यात भइरहेको समेत बताए ।

सन् २०२८ सम्म २५ प्रतिशत आईफोन भारतमा उत्पादन हुने अनुमान गरिएको छ ।

आईफोन निर्माताले स्थानीय विक्रेताहरूको सञ्जाल निर्माण गरेर आफ्नो इकोसिस्टमलाई भारतमा  बलियो बनाएको र यसले चीनमा आफ्नो निर्भरता कम गर्दै लाखौं रोजगारी सिर्जना गरिरहेको बताइएको छ ।