इजरायलका युद्ध क्याबिनेट मन्त्रीले दिए राजीनामा

काठमाडौँ - इजरायलको युद्ध क्याबिनेट मन्त्री बेनी गान्ट्जले देशको आपतकालीन सरकारबाट राजीनामा दिएका छन्।

यो कदमलाई युद्धपछि गाजाका लागि प्रधानमन्त्री बेन्जामिन नेतन्याहुको योजनालाई लिएर दुईबीचको मतभेदको गहिराइको रूपमा हेरिएको छ।

---

गान्ट्जले आइतबार तेल अवीभमा पत्रकार सम्मेलनमा आफ्नो राजीनामाको घोषणा गरे। उनले यो निर्णय ‘भारी मनका साथ’ लिएको बताए ।

'दुर्भाग्यवश, नेतन्याहुले हामीलाई वर्तमान संकट अन्त्य गरी विजय हासिल गर्नबाट रोकिरहेका छन्,' गान्ट्जले भने। आगामी चुनावमा नेतान्याहुको सम्भावित प्रतिद्वन्द्वी मानिने गान्ट्जले नेतान्याहुलाई देशमा चुनावको मिति तय गर्न आव्हान गरेका छन् । 

उनको राजीनामा पछि नेतान्याहुले ट्वीटरमा लेखेका छन्, ‘बेनी, यो अभियान छाड्ने समय होइन, सेनामा भर्ती हुने समय हो ।'