भारतमा बस र कार ठोक्किँदा सात जनाको मृत्यु

काठमाडौं- भारतको इटावामा बस र कार ठोक्किँदा सात जनाको मृत्यु भएको छ । यो दुर्घटना इटावाको आगरा-लखनऊ एक्सप्रेसवेमा भएको हो।

एसएसपी सञ्जय कुमार वर्माका अनुसार राति करिब साढे १२ बजे नागाल्याण्ड नम्बरको डबल डेकर बस रायबरेलीबाट दिल्ली जाँदै थियो। एक्सप्रेसवेको माइलस्टोन नम्बर १२९ नजिक बस र कार ठोक्किएको हो । एसएसपीका अनुसार कार आगरा नम्बरको थियो र आगराबाट लखनउ जाँदै थियो।

---

चालक निद्रामा परेका कारण कार लेन काटेर बससँग ठोक्किएको प्रारम्भिक अनुसन्धानमा देखिएको उनले बताए । ठोक्किएपछि बस अनियन्त्रित भई राजमार्ग मुनिको गहिरो खाडलमा खसेको थियो । 

बसमा सवार ६० जनामध्ये चार जनाको मृत्यु भएको बताइएको छ भने कारमा सवार एक महिलासहित तीन जनाको मृत्यु भएको छ ।

बसमा सवार २०–२५ जना घाइते भएका मध्ये एकको अवस्था चिन्ताजनक रहेको एसएसपीले बताए