बंगलादेशमा प्रधानन्यायाधीश पछि थप पाँच न्यायाधीशले दिए राजीनामा

ढाका - प्रधानन्यायाधीश ओबैदुल हसनले राजीनामा दिएपछि पाँच न्यायाधीशले पनि राजीनामा दिएका छन् ।

ढाका ट्रिब्युनका अनुसार यसरी राजीनामा दिने न्यायाधीशहरूलाई एम इनायतुर रहिम, अबु जफोर सिद्दिकी, मोहम्मद जहाँगीर हुसेन, मोहम्मद शाहिनुर इस्लाम र कशेफा हुसेन रहेका छन् ।

---

राष्ट्रपति मोहम्मद शहाबुद्दीनले पाँच न्यायाधीशको राजीनामा स्वीकृत गरेका छन् ।

कानुन, न्याय तथा संसदीय मामिला मन्त्रालयका कानुन तथा न्याय महाशाखाका सचिव मोहम्मद गुलाम सरवारले शनिबार राजपत्रमा सूचना जारी गरी सो जानकारी दिएका हुन् । न्यायाधीशहरूले हिजाे साँझ कानुन मन्त्रालयमार्फत राष्ट्रपतिसमक्ष राजीनामा पत्र बुझाएका हुन् ।

यस अघि हिजाे दिउँसो २ः३० बजे कानुन मन्त्रालयले प्रधानन्यायाधीश ओबैदुल हसनले राजीनामा दिएको जानकारी दिएको थियो । विद्यार्थीहरूले सर्वोच्च अदालत घेराउँ गरेर पछि प्रधानन्यायाधीश हसनले राजीनामा दिन बाध्य भएका हुन ।

विद्यार्थीहरूले थप पाँच जना न्यायाधीशले पनि राजीनामा दिनुपर्ने सर्त राखे पछि हसन पछि थप पाँच जना न्यायाधीशले राजीनामा दिएको बंगलादेशका मिडियाले जनाएका छन ।